ថ្ងៃទី២៣ ខែមករា ឆ្នាំ២០២៦

នៅទីស្តីការក្រសួងសេដ្ឋកិច្ច និងហិរញ្ញវត្ថុ

ឯកឧត្តមបណ្ឌិត ចន ណារិទ្ធ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានអនុគណៈកម្មាធិការទទួលបន្ទុកបរិវត្តកម្មឌីជីថលក្នុងប្រព័ន្ធគាំពារសង្គម បានដឹកនាំក្រុមការងារ ទទួលជួបសំណេះសំណាល និងពិភាក្សាការងារជាមួយ លោកស្រី TEGAN Park លេខាទីមួយ ទទួលបន្ទុកផ្នែកកិច្ចសហប្រតិបត្តិការអភិវឌ្ឍន៍ នៃស្ថានទូតអូស្ត្រាលី ប្រចាំកម្ពុជា និងសហការី។ កិច្ចពិភាក្សានេះ ផ្តោតសំខាន់លើការពង្រឹងកិច្ចសហប្រតិបត្តិការ និងពិភាក្សាលើកិច្ចការអាទិភាពចម្បងៗ សម្រាប់ជាមូលដ្ឋានរៀបចំផែនការវិនិយោគរបស់ប្រទេសអូស្ត្រាលី ដើម្បីបន្តចូលរួមអភិវឌ្ឍប្រព័ន្ធគាំពារសង្គមកម្ពុជា។