ថ្ងៃទី៥-៨ ខែមករា ឆ្នាំ២០២៥

នៅសណ្ឋាគារ សុម៉ាទេវី អង្គរ ខេត្តសៀមរាប

បន្ទាប់ពីការអភិវឌ្ឍ និងដាក់បញ្ចូលកម្មវិធី​ជាតិគាំពារសង្គមដើម្បីជំរុញការចាកចេញពីភាពក្រីក្រ (GBSP) លើថ្នាលគាំពារសង្គមឌីជីថល​កម្ពុជា ដោយជោគជ័យ, ក្រុមការងារបច្ចេកទេសនៃលេខាធិការដ្ឋាន អ.ប.ប. នៃអគ្គលេខាធិការដ្ឋានក្រុមប្រឹក្សាជាតិគាំពារសង្គម​ បានចូលរួមផ្ដល់ការបណ្តុះបណ្តាលអំពីរបៀបប្រើប្រាស់ មុខងារអនុវត្តកម្មវិធី GBSP លេីថ្នាលគាំពារសង្គមឌីជីថលកម្ពុជា​ ជូនដល់មន្ត្រីខេត្ត,​ ស្រុក,​ ឃុំ/សង្កាត់​ និងយុវជនស្ម័គ្រចិត្ត​ ដែលវគ្គបណ្តុះបណ្តាលតម្រង់ទិសនេះ​ ត្រូវបានរៀបចំឡេីង​ ដោយអគ្គលេខាធិការដ្ឋានក្រុមប្រឹក្សាជាតិគាំពារសង្គម​ និងកម្មវិធីអភិវឌ្ឍន៍សហប្រជាជាតិ (UNDP)​ ដោយមានការចូលរួមពីតំណាងក្រសួង​ ស្ថាប័នពាក់ព័ន្ធ។ ការពង្រឹងសមត្ថភាពនេះ គឺដើម្បីធានាថាអាជ្ញាធរមូលដ្ឋានមានសមត្ថភាពពេញលេញក្នុងការប្រើប្រាស់ DSPP សម្រាប់ការអនុវត្តកម្មវិធី GBSP នៅក្នុងស្រុកគោលដៅចំនួន ២ នៃខេត្តកំពង់ឆ្នាំង និងខេត្តព្រះវិហារ ស្របតាមអនុក្រឹត្យរបស់រាជរដ្ឋាភិបាល។