ថ្ងៃទី២៧ ខែវិច្ឆិកា ឆ្នាំ២០២៥

ឯកឧត្តម យោគ សាមឌី អគ្គលេខាធិការរង នៃអគ្គលេខាធិការដ្ឋានក្រុមប្រឹក្សាជាតិគាំពារសង្គម និងជាប្រធានលេខាធិការដ្ឋាន អ.ប.ប. បានដឹកនាំកិច្ចប្រជុំជាមួយតំណាងនៃ នាយកដ្ឋានអត្តសញ្ញាណកម្មគ្រួសារក្រីក្រនៃក្រសួងផែនការ ដើម្បីពិនិត្យលើលទ្ធផលនៃការអភិវឌ្ឍ និងធ្វើទំនើបកម្មមុខងារកំណត់អត្តសញ្ញាណគ្រួសារក្រីក្រ លើថ្នាលគាំពារសង្គមឌីជីថលកម្ពុជា។ មុខងារទាំងស្រុងនៃកម្មវិធីនេះ ត្រូវបានអភិវឌ្ឍ និងធ្វើទំនើបកម្ម លើថ្នាលគាំពារសង្គមឌីជីថលកម្ពុជា ដោយជោគជ័យ និងត្រៀមដាក់ឱ្យអនុវត្តជាដំណាក់កាលៗ ដើម្បីបង្កើនប្រសិទ្ធភាព និងសុក្រឹតភាពបន្ថែមទៀត សម្រាប់ការអនុវត្តកម្មវិធីជាតិជំនួយសង្គមរបស់រាជរដ្ឋាភិបាល។