រាជធានីភ្នំពេញ, ថ្ងៃទី២៥ ខែឧសភា ឆ្នាំ២០២៦

ឯកឧត្តម យោគ សាមឌី អគ្គលេខាធិការរងនៃអគ្គលេខាធិការដ្ឋានក្រុមប្រឹក្សាជាតិគាំពារសង្គម និងជាប្រធានលេខាធិការដ្ឋាន អ.ប.ប. បានដឹកនាំកិច្ចប្រជុំ ដើម្បីពិនិត្យ និងតាមដានវឌ្ឍនភាពនៃការអនុវត្តផែនការសកម្មភាពប្រចាំឆ្នាំ២០២៦ របស់លេខាធិការដ្ឋានអនុគណៈកម្មាធិការទទួលបន្ទុកបរិវត្តកម្មឌីជីថលក្នុងប្រព័ន្ធគាំពារសង្គម ដោយមានការចូលរួមពីមន្ត្រីមកពីផ្នែកបរិវត្តកម្មឌីជីថល, ផ្នែកបច្ចេកវិទ្យាព័ត៌មាន, និងផ្នែកគាំទ្រសេវា។ ជាមួយគ្នានេះ, កិច្ចពិភាក្សាក៏បានផ្តោតសំខាន់លើការបង្កើនកិច្ចសហប្រតិបត្តិការជាមួយក្រសួង ស្ថាប័ន និងដៃគូអភិវឌ្ឍន៍ពាក់ព័ន្ធផងដែរ ដើម្បីធានាបានថា ការអនុវត្តផែនការសកម្មភាព មានភាពប្រទាក់ក្រឡាគ្នាល្អ និងមានការចូលរួមអនុវត្ត ប្រកបដោយភាពគ្រប់ជ្រុងជ្រោយ និងមានប្រសិទ្ធភាពខ្ពស់។