រាជធានីភ្នំពេញ, ថ្ងៃទី១៥ ខែឧសភា ឆ្នាំ២០២៦

ឯកឧត្ដម យោគ សាមឌី អគ្គលេខាធិការរង នៃអគ្គលេខាធិការដ្ឋានក្រុមប្រឹក្សាជាតិគាំពារសង្គម បានដឹកនាំកិច្ចប្រជុំ ដើម្បីពិនិត្យ និងពិភាក្សាលើការធ្វើបច្ចុប្បន្នកម្មប្រព័ន្ធបច្ចេកវិទ្យាព័ត៌មានវិទ្យាសម្រាប់យន្តការតាមដាន និងវាយតម្លៃប្រព័ន្ធគាំពារសង្គម ក៏ដូចជាពិភាក្សាលើផែនការនៃការធ្វើសន្ធានកម្មនៃកម្មវិធីកុំព្យទ័រ (API) ជាមួយអង្គភាពរាយការណ៍បន្ថែមទៀត ដើម្បីបង្កើនទំនុកចិត្ត និងពន្លឿនរំហូរនៃការបញ្ចូលទិន្នន័យតាមសូចនាករ ដែលបានកំណត់។ កិច្ចប្រជុំនេះ មានការចូលរួមពីក្រុមការងារនៃអង្គភាពស្រាវជ្រាវ និងលេខាធិការដ្ឋានអនុគណៈកម្មាធិការទទួលបន្ទុកបរិវត្តកម្មឌីជីថលក្នុងប្រព័ន្ធគាំពារសង្គម។