ខេត្តព្រះសីហនុ, ថ្ងៃទី៤-៥ ខែកក្កដា ឆ្នាំ២០២៦

ឯកឧត្តម យោគ សាមឌី អគ្គលេខាធិការរងនៃអគ្គលេខាធិការដ្ឋានក្រុមប្រឹក្សាជាតិគាំពារសង្គម និងជាប្រធានលេខាធិការដ្ឋានអនុគណៈកម្មាធិការទទួលបន្ទុកបរិវត្តកម្មឌីជីថលក្នុងប្រព័ន្ធគាំពារសង្គម (អ.ប.ប.) បានដឹកនាំកិច្ចប្រជុំបូកសរុបលទ្ធផលការងារប្រចាំឆមាសទី១ និងកំណត់ទិសដៅអនុវត្តផែនការសកម្មភាពរបស់លេខាធិការដ្ឋាន សម្រាប់ឆមាសទី២ ឆ្នាំ២០២៦ ដោយមានការចូលរួមពីមន្ត្រីមកពីផ្នែកបរិវត្តកម្មឌីជីថល, ផ្នែកបច្ចេកវិទ្យាព័ត៌មាន, និងផ្នែកគាំទ្រសេវា។ កិច្ចប្រជុំនេះ មានគោលបំណងពិនិត្យវាយតម្លៃវឌ្ឍនភាពការងារ, ពិភាក្សាអំពីបញ្ហាប្រឈម, និងវេចខ្ចប់សមិទ្ធកម្មការងារក្នុងឆមាសទី១ ព្រមទាំងកំណត់ទិសដៅការងារសម្រាប់ឆមាសទី២ ឆ្នាំ២០២៦ ដើម្បីឈានទៅសម្រេចគោលដៅ និងសូចនាករតាមការគ្រោងទុក។